Нæ Иры лæгдæртæ!
Æхсарджын хъайтартæ!
Сымах хастат бæстæн кæмдæриддæр кад.
Карз тохы быдыры,
Фæллойы хъазуаты
Нæ-иу зыдтой никуы, уæ уæнгтæ фæллад.

Алантæн фæдонтæ —
Цы кондæй, цы зондæй!
Æндонау уæ бахсыста ивгъуыд æнус.
Ныр абон стъалытау
Æрттивут бæрзондæй.
Нæ адæмыл таут уæ сыгъзæрин рухс!

Нæ сахъгуырд фæсивæд —
Нæ фидæн, нæ сагъæс!
Гъе Уастырджи! Кувын, рухс фæндаг сын ратт!

Куыд зоной кæстæртæ
Циу Фарн æмæ Намыс!
Куыд не'рхæссой никуы сæ сæрмæ æгад!